Is Tionscadal Comhpháirtíochta Forbartha Pobail é An Clár as Gaeilge a dhíríonn ar fhorbairt na Gaeilge i gCo. an Chláir.

Is tionscadal pobalbhunaithe é, a bhfuil ionadaithe air ó na grúpaí pobail ar fad atá ag cur na Gaeilge chun cinn go gníomhach sa Chontae agus mar sin tá teacht againn ar obair phobail ag leibhéal éifeachtach, áit a bhfuil an tionchar is mó aici.

Tá an tionscnamh seo á eagrú ag Craobh na hInse de Chonradh na Gaeilge atá gníomhach i gcur chun cinn na Gaeilge le breis agus tríocha bliain agus atá maoinithe ag Foras na Gaeilge faoi Scéim Phobail na Gaeilge.

• Pobal na Gaeilge sa Chlár a spreagadh chun an teanga a labhairt.
• Grá don Ghaeilge a chothú i measc daoine óga.
• Infheictheacht na Gaeilge sa chontae a neartú.
• Comhpháirtíocht a thosú le comhlachtaí stáit, leis an eaglais agus leis na daoine chun freastal ar riachtanais phobal na Gaeilge.
• Tacú le turasóireacht chultúrtha sa Chontae.